NANG malaman ni Greige ang balita tungkol sa pagtanggal kay Yiesha sa event ay agad niya naman itong tinawagan. Subalit naka ilang tawag na siya at palagi itong out of coverage. Maging si Criza ay tumulong na rin na kontakin si Yiesha.
“Out of coverage rin ba sa ‘yo?” magkasalubong ang kilay na tanong ni Greige gawa ng pag-aalala.
Tumango si Criza. “Yes po, Ma’am Greige.” nag-aalalang wika ni Criza habang patuloy pa rin na tinatawagan ang numero ng telepono ni Yiesha.
Napahawak sa kaniyang ulo si Greige habang nasa bewang naman nito ang isa niyang kamay. Nag-aalala siya para kay Yiesha. Alam niya kung ilang butil ng pawis at tulog ang inilaan ng kaibigan, para lamang maipresenta nito ng maayos ang kaniyang designs. Maging siya ay labis na nagulat nang malaman niyang hindi nakapasa ang
