MABILIS na iniligpit ni Yiesha ang kaniyang gamit at patakbo kung maglakad patungo ng elevator. Hindi niya kasabay si Greige dahil kanina pa ito umalis. Kahit na halos mapuno ng tao ang loob ng elevator ay hindi niya ito inalintana, dahil nagmamadali siya na makababa. Naghihintay na si Axriel sa lobby at hindi niya namalayan ang mabilis na takbo ng oras, kailangan niyang magdali upang hindi ito mainip.
Sa kabila ng pakikipagsiksikan niya, tila sinasadya naman ng dalawang babae na pag-usapan siya nang magtama ang kanilang mga paningin. Akala siguro ng mga ito ay hindi niya ito naririnig. At dahil masyadong tahimik sa loob, rinig na rinig niya ang bungisngisan ng mga ito habang patuloy na nagtsi-tsismisan.
"Alam mo ba na palagi siyang sinusundo ng asawa niya?" wika ng babaeng may dalang
