Pagkatapos kumain ng dalawa ay agad na silang nag-ayos ng kanilang sarili. Mahigpit nilang ibinilin sa matanda at sa ibang trabahante na panatiliing sarado ang bahay, lalo na kapag gabi.
Habang inilalagay ni Axriel ang kanilang mga gamit sa trunk ay agad nang pumasok si Yiesha sa loob ng kotse. Saktong pagkaupo niya ay agad siyang nakatanggap ng mensahe galing kay Greige.
[“Nakaalis na kayo?”]
Nagtipo naman kaagad si Yiesha bilang tugon sa mensahe nito.
[“Hindi pa. He’s still putting our things inside the trunk.”]
Hindi pa nakuntento si Greige at tumawag pa talaga ito. Agad naman itong sinagot ni Yiesha na siyang natatawa.
“Oh? Napatawag ka?” bungad niyang wika.
Nagsalita naman kaagad si Greige sa kabilang linya, [“Wala akong tiwala sa text-text lang! Kaya tumawag na ako nang masag
