Halos mapigil ko ang sarili kong hininga dahil sa mga katagang iyon na narinig ko mula mismo kay Toby. Hindi ko magawang kumurap habang namimilog ang mga mata ko at kasalukuyan na ngayong sinasalubong ang mga titig niya sa akin.
"A-ano'ng s-sinasabi mo?" halos mautal-utal na ako sa pagsasalita dahil sa nararamdaman kong unti-unti nang pag-akyat ng kaba sa dibdib ko.
"Oo, Ravyn! G-gusto kita...m-matagal na," mariin nitong tugon sa akin, na siyang naging dahilan upang kaagad kong maramdaman ang labis na pag-iinit ng mga pisngi ko.
"Tob-" Halos manigas na ako sa kinatatayuan ko ngayon dahil sa sobrang pagkabigla no'ng sandaling maramdaman ko ang mabilis na paglapat ng malalambot nitong mga labi sa mga labi ko.
Pikit ang mga mata niya habang ako naman ay nanatiling nakatulala lamang sa kan
