Magpahanggang ngayon ay hindi ko pa rin lubos maisip kung ano ba ang dahilan ng biglaan naming pagkakaroon ng meeting. Hindi naman kasi iyon binanggit sa akin ni Harvey sa phone call, no'ng sandaling ipinaalam nito sa akin ang tungkol sa mangyayaring meeting ng mga kasapi sa organisasayon.
Ilang sandali pa ay tuluyan ko na ring nahinto itong minamaneho kong kotse sa harapan ng mansion, no'ng masipat ko ang oras ay mag-a-alas sais na ngayon ng gabi. Hindi ko alam kung narito na rin ang iba, o hindi kaya ay ako na lamang ang huling dumating. Napabuntong-hininga na lamang ako sa kawalan bago ako tuluyang bumaba mula rito sa loob ng sasakyan.
Hindi na rin ako nagdalawang-isip pang humakbang para tahakin ang kinaroroonan ng main door nitong mansion. Hindi pa ako nakakalapit sa pinto ay pinagb
