Dalawang araw pa lamang ang lumilipas simula no'ng matapos ang graduation namin ay naghahanda na ang lahat ngayon para sa gagawin naming pag-alis dito sa bansa. Pakiramdam ko ay hindi na makapaghintay pa si Daddy na umalis kaming dalawa rito ni Mommy, dahil para bang mayroon siyang iniiwasan na posibleng mangyari. Hindi ko sana gustong umalis at iwan nalang si Daddy rito dahil siguradong malulungkot lang siya rito nang mag-isa, pero wala akong magawa dahil malabo na payagan ako ni Daddy sa gusto kong mangyari na mag-stay nalang ako rito kasama niya.
Isa pa ay napagdesisyunan na rin nilang dalawa ni Mommy ang tungkol sa pagpapatuloy ko ng college sa States. Hindi na ako makatanggi dahil baka magalit pa sila sa akin, alam ko naman na iniisip lang nilang dalawa ang sarili kong kapakanan at p
