Matiim lang na nakatuon ang atensyon ko sa malinis na daan, na siyang kasalukuyang binabagtas ngayon nitong minamaneho kong sasakyan. Mabuti na lamang pala at ipinagpilitan ko kanina na gamitin na lamang ang sarili kong kotse para magpunta roon sa mansion, kung hindi ay magmumukha pa akong napag-iwanan dahil hindi ako magagawang ihatid ngayon ni Harvey pauwi sa amin. May urgent meeting daw siyang dadaluhan ngayong gabi at hindi raw puwede na mawala siya roon, lalo na at mayroon itong koneksyon sa magaganap na bentahan ng high powered firearms sa black market.
Ilang sandali pa ay hindi ko na rin napigil ang sariling mapabuntong-hininga, no'ng bigla na lamang pumasok sa isipan ko ang mga bagay na napag-usapan namin kanina sa loob ng conference room, bago ako tuluyang umalis at magpaalam sa
