Nakatulala lang ako ngayon habang nakatitig kay Auntie Sylvia, na kasalukuyang nakaratay sa hospital bed. Mabuti nalang at nadala namin siya rito kaagad sa malapit na hospital, kaya naagapan din kaagad ng doktor ang kalagayan ni Auntie Sylvia. Ang sabi sa amin kanina no'ng doktor na tumingin sa kanya ay hypertension daw ang dahilan kung bakit nawalan siya ng malay.
Ilang saglit pa ay nadako naman ang atensyon ko sa may pinto nitong hospital room no'ng marinig ko ang pagbukas nito. Kasunod lang din nito ang agarang pagpasok ni Toby rito sa loob ng kwarto, napansin ko rin ang mga bitbit nitong paper bag. Nang maisara niya na ulit ang pinto ay tsaka naman ito nagbaling ng tingin sa akin, nakaupo lang kasi ako ngayon dito sa isang couch na nasa paanan lang ng kama ni Auntie Sylvia.
"Bumili
