Mga limang minuto na rin kaming nakapila at naghihintay ni Auntie Sylvia rito sa loob ng bangko. Hindi naman gano'n karami ang mga tao ngayon dito, sadyang malalaki lang talaga ang halaga ng mga pera na ipinapasok nila rito sa bangko kung kaya't natatagalan.
Hindi ko maiwasan na igala ang mga mata ko sa paligid lalo na't nandito lang naman kami at nakatunganga habang naghihintay. Ang ilan sa mga tao rito ay napakasimple lang kung manamit, iyong tipo na hindi mo aakalain na mayroon pala silang gano'n kalaking halaga ng pera.
Napasandal na lamang ako sa lean nitong stainless bench na siyang kinauupuan namin ngayon, kung iisipin ay ligtas din naman dito sa bangko dahil mayroong dalawang security guards na nagbabantay roon sa main entrance.
Napahalukipkip na lamang ako sa mga braso ko bag
