"Hindi...hindi aatras ang grupo namin sa napag-usapang plano, Miss Ravyn," mariing sambit sa akin ni Zen, no'ng sandaling makapagdesisyon ito bilang pinuno sa kanilang magkakapatid.
"Tama si Zen, hindi ka namin pababayaan, Miss Ravyn," dagdag namang saad ni Detta, matapos nitong magpakawala ng mabigat na hininga.
"S-salamat sa inyong lahat," bitaw kong pasasalamat sa kanila, bago tuluyang sumilay ang tuwa sa mga mata ko.
"Naiintindihan ka namin, lalo't ganyan na ganyan din kami noon..."
"Pero sa pagdaan ng maraming taon ay unti-unti na rin naming natanggap sa mga sarili namin na walang puwang ang kahinaan at awa sa mga puso ng mga tulad naming reapers," ramdam ko sa tono ng pananalita ni Jana ang magkahalong lungkot at pagkadismaya.
"Hindi pa huli ang lahat, puwede niyo pang itama ang
