Katulad nga nang sinabi ni Allen ay lumabas kami. Nagpaalam naman siya ng maayos kay Mommy at nakakatuwa dahil pinayagan kami. Wala akong ideya kung saan niya ako balak dalhin, pero dahil may tiwala naman ako sa kaniya ay naging kampante ako. Habang nakasakay kami sa jeep ay parang pamilyar ang daan na dinaraanan namin. Ibinulong niya lang kasi sa konduktor ang bababaan namin.
Mariin niyang hinawakan ang kamay ko at napayakap ako sa kaniya nang may bagong sakay na pasahero sa tabi ko. Nakita ko kung paano lumapad ang ngiti niya at aaminin kong napangiti rin ang puso ko. Masarap ang ganitong pakiramdam na kasama mo siyang magbiyahe habang magkadikit ang inyong mga braso.
Ilang sandali pa ay bumaba na kami ng jeep at sumakay naman ng tricycle. At doo'y naging malinaw na sa akin kung saan k
