"HUWAG mong kalimutan ang interview mo bukas ng gabi sa Showbiz Talk."
"Bukod sa interview, ano pa?"
"Iyon lang. Malinis ang schedule mo bukas."
"That's good."
Inalis ko na ang atensiyon kay Hershey at pumikit. Saktong naipit kami ngayong gabi sa traffic kaya baka matagalan bago pa ako tuluyang makauwi.
"Nag-usap na ba kayo ulit ni Castiel?"
Natigilan ako sa kinauupuan nang marinig ang tanong na 'yon mula sa kanya. Lumunok ako at nanatiling nakapikit.
"Pasensiya na talaga, Val," paghingi niya ng paumanhin.
Umiling ako. "You don't have to apologize. It's not your fault."
Nang malaman niyang iba ang inisip ni Castiel dahil sa sinabi niya noon ay bahagya niyang sinisi ang sarili. Pati kasi ang tungkol sa mga patakaran ng kompanyang gustong kumuha sa akin ay nabanggit niya kay Castie
