"Where we going, Mommy?"
Napatigil ako sa pag-aayos ng gamit ng mga anak ko nang isa-isa lang pumasok sa kwarto at sumampa sa kama kung saan ang malaking maleta.
"Somewhere far, baby Mickey."
Itinuloy ko ang pag-iimpake hanggang sa mailagay ko ang iilan na damit ng tatlo sa isang malaking maleta. Sunod ay kinuha ko ang traveling bag at nilagay doon ang mga damit ko saka ipinatong sa nakatayong maleta. Nang matapos ay nilingon ko ang tatlo na nanunuod lang sa akin. Bumuntong hininga ako at naupo sa harapan nila.
"You look sad, Mommy..." Sabi ni Rayner saka hinaplos ng maliit niyang kamay ang pisngi ko. Napangiti ako at hinalikan ang noo niya.
Sabay-sabay kaming apat na napalingon sa pinto nang marinig ang pagbukas niyon. Nakangiting mukha ni Kuya Tom ang bumungad sa amin at mabilis
