"Where have you been last night?" hindi inaasahan ni Natasha na makikita niya ang mga magulang na nag-aabang sa kanya sa kanilang bahay.
"Hindi ko alam na uuwi kayo nang ganito kaaga,"pakli nito sa kanilang dalawa.
"Ang tanong ko ang sagutin mo!"napatigalgal si Nadia. Mukhang nainis ito nang iwasan ni Natasha ang tanong niya sa kanyang anak.
"Mommy, ayaw ko makipagtalo. Wala ako sa mood,"wika ni Natasha.
Tila hindi nagustuhan ni Nadia ang inasal ng kanyang anak. Akmang papasok si Natasha sa loob ng bahay ngunit bigla nitong hinila ang braso nito at hinarap siya. Dumiin ang kuko ni Nadia sa balat ni Natasha dahilan para mapangiwi ito. Halatang hindi nito hahayaan na ganoon na lamang ang isasalubo
