“Wow! Ang laki naman ng bahay na ito Liana.” Bulalas ni Aling Perla.
Tinawagan niya ito at pinapunta doon. Ito lang ang naisip niyang maaaring usapin para makasama nila ni Lester sa bago nilang tirahan.
“Ang ganda-ganda naman dito,” dagdag pa nito habang iginagala ang mga mata sa paligid.
Kimi siyang ngumiti. “Pasensya na po kayo, Aling Perla, ha. Kayo lang ang naisip kong pwedeng tawagan para aluking makasama namin dito,” aniya.
“Naku! Ano ka ba naman... Alam mong walang problema sa ‘kin iyon,” mabilis na tugon nito.
At iginala nitong muli ang paningin sa paligid bago siya hinarap. Nawala na ang mga ngiti sa labi nito at seryoso siyang pinagmasdan.
“May kailangan ba akong malaman?” tanong nito. “Hinihintay kitang umuwi sa inyo ‘nung nakaraan… Kaya pala hindi kayo dumating ni L
