WALANG KAPANTAY na kasiyahan ang namamayani sa kanilang paninirahan sa langit. Ngunit sa lupa naman ay nanatili ang pagluluksa para sa kaniya ng mga naiwang kaibigan.
"Ilang taon na ang lumipas pero ang sakit pa rin tanggapin na wala na si Thunder," sabi iyon ni Zander.
"Tama ka, bro. Ang dami kong pangarap para sa ating tatlo. Mabuti nga at maayos pa rin itong club sa kamay nina Rein at Flor," wika naman ni Felix habang nilalasap ang kalayaan.
Sa mga lumipas na taon ay tuluyan nang nabigyan ng parole sina Zander at Felix. Mababaw na kasalanan lang naman kasi iyon kumpara sa pagpatay kung kaya't mabilis na nagawan ng paraan ng kanilang abogado ang lahat. Sa kasalukuyan ay bumalik ulit sa trabaho si Dianne at sa pagkakataong iyon ay nangako itong mas iingatan pa ang business na iniwan s
