Milcah's POV
Maaga pa lang pero nasa bahay na ako. Nagpalipas muna ako ng gabi sa bahay ni Ranger dahil umulan kagabi kaya hindi ako nakabalik sa condo.
“Nasaan si mommy, Manang Marie?” tanong ko sa Mayordoma ng mansyon.
Kanina ko pa kasi hinahanap si mommy pero wala siya. Pati sa kwarto nila, wala rin kaya bumaba na ako para magtanong.
“Nasa garden siya, hija. Nagdidilig ng mga halaman,” sagot naman ni Manang Marie.
“Okay po. Puntahan ko na lang siya roon,” sabi ko naman.
“Kumain ka na ba, hija?” tanong niya sa akin.
“Hindi pa po, manang. Si mommy, kumain na po ba?” Gusto kong sabay sana kaming kumain.
“Hindi pa, hija.”
“Pwede pong pakidala na lang sa garden ang breakfast namin ni mommy? Sabay na lang po kaming kumain,” ani ko.
“Sige, hija.”
Umalis na ako sa kusina at dumiretso
