Hindi ko alam kung ano ang nangyari sa akin. Para akong isang mabangis na lion ng mga oras na ito. Ang gusto ko lang ay saktan ang babaeng kayakap ni Zach.
Punong-puno ng selos ang aking puso. Hindi ko matanggap na may ibang babaeng hinahawakan si Zach. Parang gusto kong ilibing ng buhay ang babae. Sa lahat ng naging nobyo at may nakita akong ibang babae na kasama nila, tanging ang babae lang yata ni Zach ang sinugod ko ng ganito at sinaktan.
Sobra akong galit na galit. At habang hinihila ko ang buhok ng babae ay isang malakas na tulak naman ang binigay sa akin ng babae. At ang unang tumama sa akin ay ang ulo, sa isang matalim na bagay sa likuran ko. Pero hindi ko iyon ininda, nanlilisik ang mga mata ko habang nakatingin sa babaeng hitad.
"Kung sino ka namang babae ka hindi ito squatter
