Nang bumalik na ang ulirat ni Inez. Wala itong ibang naramdaman kung hindi ang pamimintig sa sakit ng kaniyang ulo. Gumapang ang mga kamay nito sa kaniyang sintido at marahan iyong minasahe.
"s**t. Ang dami ko yatang nainom kagabi," bulong niya sa sarili.
"Marami nga. Halos ikaw lang daw ang nakaubos ng dalawang bote ng Merlot. Thirteen percent ang alcohol percentage non." Napamulagat siya nang marinig niya ang boses ni Yael. Bara-bara itong bumangon. Napatigil na lang siya nang umataki na naman ang kirot sa kaniyang ulo.
"Umuwi ako? Paano ako nakauwi? Roon na dapat ako matutulog sa condo ni Elio. Nagpaalam ako sa iyo, hindi ba? Nag-text ako. Nabasa mo ba 'yon?" Walang mapiga na kahit na ano si Inez. Ang tanging natira sa memorya niya ay ang paglaklak nito sa ikalawang bote ng Merlo
