Pagbaba ng Carriedo Station LRT Line 1 mas lalo pang tumagaktak ang pawis ko. Mag-aalas dose na kasi ng tanghali. Tirik na tirik na ang araw at gutom na gutom na rin ako. "Malayo pa ba tayo? Hindi ko na talaga kaya pagod na pagod na ako. Gutom na rin," hindi ko na napigilang magreklamo kay Yael. Bagaman pinagpapawisan. Mukhang hindi niya naman yon masiyadong iniinda. Maski bakas ng pagod sa mukha nito ay hindi ko makita. Hula ko lang pero sigurado ako na hindi ito ang unang beses niyang mapadpad sa parteng 'to ng Manila.
"Malapit naman na tayo. Liliko na lang tayo sa Rizal Avenue tapos lalampas sa Sta. Cruz Church papunta sa Bustos. Pagdating ng Bustos isang kanto na lang at nasa Ongpin na tayo. Roon nagsisimula ang China Town." Sa rami ng binitawan niyang pangalan ng mga lugar. Nakalimu
