Imbes na ibigay mismo sa akin. Iniwan lang ni Yael ang isang baso ng malamig na tubig sa may lamesa. Nakangusong inabot ko 'to, "Thanks."
"Alam ba ni Veno na nandito ka?"
"Hindi pa. Iti-text ko pa lang. Magpapasundo rin ako," sabi ko rito.
Hindi na nagsalita ulit si Yael. Hindi ko rin alam kung paano ulit makikipag-usap sa kaniya. Ang ending, pinanuod ko muna kung paano siya naglagay ng dalawa at kalahating takal ng bigas sa rice cooker. Tatlong beses niya yong hinugasan, nung pang-apat na beses ay sinukat niya na muna gamit ang daliri bago sinalang at sinaksak.
"Anong oras darating si Veno rito?"
"Pinaaalis mo na ako?" I aked with a pair of crestfallen eyes.
Bumuntong-hininga si Yael. "Gabi na kasi Inez saka hindi maganda yung bigla-bigla ka na lang pumupunta sa bahay ng ibang
