Ariadne sighed as she embraced Damon from behind. Gabi na nang dalawin siya nito at hindi niya masisi ang lalaki dahil may kalayuan din ang summer home nito mula sa siyudad. Isa iyong maliit na bahay na may dalawang kuwarto, isang maliit na salas, kusina, dalawang banyo, at veranda. Sa labas ay may kalakihan ang hardin na nakapalibot sa tahanan kaya naman hindi na rin siya masyadong nababagot habang wala si Damon o si Pierre. Naaaliw niya naman na kahit papaano ang sarili niya sa pagtingin-tingin at pag-aalaga sa mga halaman na naroroon. Sa likuran ay isang malaking lawa na may napakalinaw na tubig.
“May problema ba, Damon?” masuyong tanong niya habang yakap-yakap ang lalaki. Tahimik lamang kasi ito habang inaasikaso ang mga papeles nito sa opisina. Simula nang dumating ito roon ay hindi
