Ibinalik ako sa panahon na kami ni Gio, nakalimutan na ng lahat si Troye maging ng mga taong malapit sa puso niya.
"Okay ka lang ba, Zira? Tulala ka nanaman."
Alalang alala na si Queen dahil isang linggo na akong tila wala sa sarili, isang linggo na rin ang nakakalipas mula nang mawala si Troye.
Hindi na kami nakaattend ni Gio ng ball dahil nagpanggap ako na sobrang sama ng pakiramdam ko. Nitong mga nagdaang araw ay halatang naiinis na sila Eiron sa akin dahil sa halos araw-araw akong nagtatanong ng tungkol kay Troye.
"Anong Hideout ang sinasabi mo jan?" tanong ni Josh nang sabihin kong samahan nila ako sa hideout.
"Iyong sa Hideout ni Troye. O, 'di kaya ay samahan niyo na lang ako sa bahay ni Troye."
Helpless na 'ko.
"Ha? Sinong Troye ba, Zira? Ang kulit mo. Wala naman kamin
