Kate Evangelista
GABI na ako ng makauwi sa bahay at saktong nakapagluto na si Mama ng hapunan at naghahain na si Harold. Dali-dali akong umakyat sa kwarto namin at naabutan ko roon si Jude na nagbibihis ng damit niya, mukhang bagong ligo. Yumakap kaagad ako sa kanya at hinalik-halikan siya. Pinilit niyang kumawala pero mahigpit ang pagkakayakap ko sa batang 'to. Nakakagigil!
"Mama! Nakikiliti po ako!" natatawang saad niya habang patuloy pa ring nagpupumiglas.
Mas lalo kong hinigpitan ang pagkakayakap sa kanya at hinalik-halikan pa rin siya sa pisngi niya, sa leeg at sa kung saan pa. "Ang bango ng baby ko ha? Bagong ligo! Paamoy nga si Mama."
Nang maramdaman kong nanghihina na siya sa pangingiliting ginAgawa ko sa kanya, hininto ko na iyon at kinarga siya paupo sa kama, pinunasan ang pa
