Topher
Pasimple kong sinusulyapan ang larawang pinadala sa akin ni Sab nang nag-model siya para sa isang model project na tinanggap niya. Hindi ko maiwasan mapangiti dahil walang duda ang ganda niya. Sobrang miss ko na siya at sa wakas ay pabalik na rin siya ng Maynila.
Naagaw lang ang atensyon ko nang marinig kong may tumawag sa akin. "Dr. Andal, kumusta?" Bungad sa akin ng isang pamilyar na boses at halos mapalundag ako sa tuwa dahil muli ko siyang nakita.
"Geoff! Okay lang ako," napapangiting sabi ko at saka nagsalitang muli, "Loko ka, akala ko kung sino, e, teka, rito ka rin pala nagki-clinic? Kumusta ka?"
"Ah yes, actually kalilipat ko lang, at kung kumusta ako? Heto.. g'wapo pa rin, ikaw ba?" Hindi ko mapigilang mapahagikgik sa sinabi niya habang hindi ko inaalis ang kamay sa bu
