Chapter 17: Third Eye
“Alam mo kapag patay na ang tao ay didiritso na sila sa kanilang paruruonan at impossible nang magbalik ulit. Kung makakabalik man sila iyon ay pinahihintulutan sila ng Diyos. Ngunit may mga demonyo na ginagamit ang isang kaluluwa upang manggulo ng tao.”
“Ahh.” Tumango ako, iyong kaso ko, di ko pa matukoy kung bakit panay lang ang pagpaparamdam ng multong iyon sa akin. “Paano po makipag-usap sa kanila?”
“Ha?” Halos di makapaniwala si Papa. "Bakit mo kakausapin? Sandali, may bumabagabag ba sa'yo?
“Ang ibig ko pong sabihin ay paano nakipag-usap si Lolo sa mga multo?” Muntikan na ako don, ha.
“Ang ginagamit ng Lolo upang kumausap ng mga kaluluwa ay iyong lingwahe natin minsan may alam siyang latin. Ang dahilan na nakakausap iyon ni Lolo dahil may third eye siya.”
