NAGLALAKAD na silang dalawa papunta sa silid ng pagsasanay ng triplets.
"Ano ng gagawin natin Tim, nakakasiguro ako na may hindi magandang binabalak si Ama sa kanyang muling pagkabuhay!" Tuloy-tuloy na wika ni Vivian na kapansin-pansin ang pagkakaligalig.
Si Mavy naman ay hindi na nagkomento, dahil maging ito man ay problemado na rin sa kinakaharap nila. Hindi lang niya ipinapahalata sa kanyang kasama na, dahil lalo itong magpa-panic.
Nakarating na nga sila sa harapan ng pinto. Sa isang kumpas ng kamay ni Mavy ay kusang bumukas na iyon at tuluyan silang nilamon ng liwanag na nanggagaling sa loob ng silid na iyon.
Nang magmulat ng mata si Timothy at Hailey ay nasa harapan na sila nina Don Ascor at Sorayva na abala sa pagbibigay ng instruction sa triplets.
Kapansin-pansin ang kapaguran
