Kinabukasan, pagkatapos mag-almusal nina Drewner at Dani ay gumayak na sila para umalis. Excited si Dani na muling makita ang kanyang ina kaya nawala sa kanyang isip na hindi nga pala puwedeng malaman ng kanyang ama kung saan nakatira ang kanyang Mommy Danielle. At gaya ng sinabi ni Drewner kahapon ay hindi nila ipinaalam agad kay Nana Adela kung saan sila pupunta. Basta pinagbihis lang ito ni Drewner dahil may pupupuntahan sila. At nang nasa daan na sila ay hindi na napigilang magtanong ng matanda.
"Saan ba tayo pupunta, Drewner? Akala ko ay magsisimba lang tayo," nakakunot ang noo na tanong ni Nana Adela nang lumagpas na sila sa simbahan kung saan madalas silang nagsisimba.
"Pupuntahan natin si Tita Danielle, Nana Adela. Sabi ni Daddy ay kukumbinsihin niyang bumalik si Tita Danielle sa
