"And they lived happily ever after," nakangiting pagtatapos ni Danielle sa kuwentong binabasa niya kay Dani habang nasa sala sila. Nakaupo siya sa sofa habang nakahiga naman sa mga hita niya ang kanyang anak at nakikinig sa kuwento ng fairy tale story na Snow White. Si Nana Adela naman ay nakangiti habang nakaupo sa mesa at nakikipakinig sa binabasa niyang kuwento. Natutuwa itong makita silang magkasundong-magkasundo ng kanyang anak.
"Tita Danielle, bakit walang baby sina Snow White at ang prinsipe? Hindi ba sila nagkaroon ng babies?" inosenteng tanong sa kanya ni Dani matapos niyang isara ang aklat.
Natatawang ginulo niya ang buhok ng kanyang anak bago niya sinagot ang tanong nito. "Siguro nagkaroon din sila ng anak pero hindi lang binanggit sa kuwento. Masyadong hahaba na raw ang kuwen
