Nanlamig ang buo kong katawan nang makita si Vexier habang prenteng nakaupo sa sofa ng VIP room. Kasama nito ang iba pang mga kaibigan gaya ni Rove at Less ngunit sa pitong lalaking naroon, sa iisang pares ng mga mata lamang natuon ang atensyon ko.
'Treece' piping sambit ko sa sarili sa pangalang ngayon ay nagpapatibok ng husto sa dibdib ko.
Ngayon ko napagtanto kung gaano ako nangungulila sa kaniya. Sa mga yakap niya, sa mga halik niya, at sa pag-aalaga niya. Na-miss ko ito ng subra-sobra. Wala akong ibang gusto ng mga oras na iyon kundi daluhungin ito ng mahigpit na yakap at iparamdam dito kung gaano ko ito kamahal ngunit ang pagnanais na iyon ay agad na naputol nang magsalita si Vexier.
"See? I'm telling the truth bud. Ginagamit ng husto ng asawa mo ang ganda ng mukha at katawan niy
