Ipinaghanda naman siya agad nito ng maa-almusal. Lingid pala sa kanyang kaalaman na siya lang pala ang hinintay ni Henry na lumabas ng umagang iyon. At nang makita nitong lumabas na siya at tumungo sa komedor ay sinundan agad siya nito.
"Mabuti naman at lumabas kana Ciamara." Anang tinig ni Henry sa likuran niya.
Natigilan naman siya at nagulat sa presensya nito ngunit di niya iyon pinahalata at kailangang di siya magmukhang natatakot rito kahit ang totoo'y naiilang na siya rito mula nang muntik na siya nitong madali kagabi.
" Good morning m-mahal, sasabay kaba sa almusal ko?" Pilit na tanong niya rito na parang wala lang nangyari.
Nakita niya ang inis sa mukha nito.
"Manang Gloria, iwan mo muna kami." pagtataboy na naman ni Henry sa katulong na mayordoma at sabay itong dumulog sa mes
