"Arthur? Ang laki mo nang bata ka! Sino iyang kasama mo? Siya na ba si Samantha ang iyong asawa?" Tumingin siya sa akin. Nanlaki ang mata niya nang mamukhaan ako. "Samantha? Hija, Ikaw na ba yan?"
Tumango ako habang malawak ang ngiti.
"Ikaw nga, ang asawa ng alaga kong si Arthur!"
"Ako nga po, Aling Myrna,"
"Samantha, Hija!" Nabitawan niya ang host na ipinandidilig sa mga halaman at tumakbo palapit sa akin para mayakap. Natutuwa ako dahil nakikilala niya pa ako sa tagal nang panahon.
Hapon na pero ngayon lang nagdidilig ng halaman si Aling Myrna, siguro wala na naman siyang magawa kaya siya nagdidilig. Iyon lang kasi napaglilibangan niya raw noon kapag walang magawa. Ang magdilig.
"Naku! Pasensya ka na, Samantha, niyakap agad kita kahit pawis na pawis ako. Natutuwa lang ako at naka
