Bumabagabag sa isip ni Helena ang lahat ng nangyari sa araw na iyon. Una, ang tungkol kay Eric; sumunod ang kay Shaun; at panghuli, ang tungkol kay Harley.
Tama kaya ang desisyon niyang ito? Tama bang pupunta siya kina Harley para sa dinner na sinasabi ni Shaun? Wala nang oras para mag-isip. Ilang minuto na lang at bababa na si Bea para makapag-ayos at makababa sila sa building. Susunduin daw sila ni Shaun. Maagang umuwi si Harley, kaya natapos na ni Helena ang paglilinis sa kanyang opisina.
Kinuha niya ang jacket na pinahiram sa kanya ni Harley noong birthday ni Roble. Kailangan na niyang isoli ito, at nahihiya siya dahil medyo matagal nang naiwan ito sa kanya. Pahirapan kasi ang paglalaba dito sa Lounge, kaya halos ubusan na siya ng damit araw-araw.
Mabuti na lang at may natitira pang
