NAPATINGIN ulit si Helena sa likod at nakita niyang tulog na si Bea habang nakangiti pa. Naku, patay siya kay Eric kapag nakita nitong umuwi si Bea na lasing. Alam kaya ni Eric na nagpunta sila sa party? Paano kung hindi? Ugh!
"Alam mo ba kung saan ang bahay nila?" tanong ni Harley kay Helena.
Umiling si Helena. "Ang alam ko lang ay kina Aling Nenita siya tumitira," sagot niya.
Tumango si Harley at niliko agad ang kanyang sasakyan. "Alam ko kung saan iyon."
Mabuti naman pala, naisip ni Helena. Hindi na nila kailangang gisingin si Bea para magtanong. Hinayaan na lang niyang matulog si Bea para pagdating nila, mahimasmasan na siya.
Tahimik silang dalawa sa loob ng sasakyan. Halos marinig na ni Helena ang mga insekto dahil sa sobrang katahimikan.
"I-I’m sorry for what happened," basag n
