Salubong ang kilay ko habang nakatingin kay Dakido. Hindi ko maunawaan ang pinagsasabi nito na pinagloloko ko raw siya. Saka maganda naman itong brief, ah? Makulay ang buhay. Saka kakaiba rin.
“Ayaw mo ng brief? Sayang libre ko naman sa ‘yo! Ayos lang kung ayaw mo at hindi kita pipilitin!” Agad kong kinuha ang brief na rainbow color sa kamay ni Dakido at agad na ibinalik sa pinaglalagyan ito. Hindi maipinta ang tabas ng mukha ko nang iwan ko si Dakido.
Ngunit nagulat ako nang may umakbay sa aking balikat. Kahit hindi ako lumingon at alam kong si Dakido ito.
“Hindi ka marunong pumili ng kulay Paula? Rainbow color? Hindi ako nagsusuot ng ganoong kulay,” anas ng lalaki. Ngunit naramdaman kong panay ang himas nito sa aking balikat.
“Mas maganda ang rainbow color. Nandoon ang ibang mga k
