BAKAS PA rin sa akin ang mga binitiwang salita ni Israel, at nakakainis dahil naguguluhan ako. Litong-lito na ako kung paano tatanggapin ang mga pangyayari. Noong una ay hindi sinasadyang magkakakilala kami ni Jerson at kalauna'y mamahalin ko siya. Tapos si Israel na mas matagal ko nang nakilala ay hindi ko man lang binigyan ng chance na buksan ang puso ko para sa kaniya. At ngayon na sumusuko na siya-- sumusuko na siya sa pag-asang mamahalin ko rin siya ay parang may lungkot akong nadarama. Hindi dahil sa nanghihinayang ako sa pagkakataong sinayang ko para matutuhan siyang mahalin kundi ang lungkot kung saan ay nagkamali siya ng taong minahal. Hindi ko alam kung kailan ko siya tuluyang mapapatawad sa ginawa niya sa akin pero naniniwala ako na darating din ang araw na 'yon.
Sa sobrang lal
