THISA IRENE
“Gusto mo pa rin bang manood sa amin?” nakangisi na tanong ko kay Johanna.
“Nagtatrabaho ako kaya tigilan mo na ako,” sabi niya sa akin at tinarayan pa talaga niya ako.
“Okay ka lang ba? Bakit kanina pa nakatakip ang kamay mo sa bibig mo? May natanggal ba sa mga ngipin mo? Don’t worry ako ang magbabayad ng dentures mo,” sabi ko sa kanya pero itong asawa ko ay narinig ko na tumawa.
Mas lalo tuloy naging kawawa si Johanna. Pero kahit kawawa siya ay may gana pa rin siyang tarayan ako. Kung ayaw naman niya na naka-libre ng pustiso na galing sa akin ay okay lang. Hindi naman ako namimilit. Bahala na lang siya sa buhay niya.
Hawak pa rin ng asawa ko ang kamay ko ay inalalayan niya ako habang nagsisimula na kaming dalawa sa shoot namin. Hinayaan ko na lang muna si Johanna dahil m
