THISA IRENE
Alam ko na maganda na ako pero pumunta pa rin ako sa salon para magpagupit ng buhok ko. Mas gusto ko na subukan ang short hair kung babagay ba sa akin. Ang asawa ko naman ay nasa trabaho ngayon kaya naman ako lang mag-isa dito sa salon. Pero ang sabi niya sa akin ay siya na raw ang maghahatid sa akin mamaya sa party. Mabuti na lang talaga at ilang araw pa ang pagitan noong binigay sa akin ang invitation card.
Himala talaga na okay lang sa kanya na ako lang ang pupunta doon. Kung sabagay ay baka nga malaki ang tiwala niya sa akin. Baka nga talaga hindi siya nag-aalala sa akin. Hindi rin naman kasi ako iinom. Talagang pupunta lang ako doon para magpakita dahil nga ako ang endorser nila.
Lahat ng services na mayroon ang salon na ito ay pinagawa ko. Gusto ko na maging presentabl
