THISA IRENE
“Alam niyo nakakapanibago kayong dalawa,” sabi ni Viel.
Nakauwi na kami galing sa supermarket. Sa labas na rin kami nag-lunch kanina.
“Bakit na naman?” tanong ni kuya.
“Kasi hindi kayo nag-aaway. Hindi kami sanay na tahimik lang si Tita Thisa,” sabi pa niya.
“Tama ka, bakit kaya hindi na sila nag-aaway? Bati na kaya sila? Baka may secret relationship na sila,” natatawa pa na sabi ni Finn.
“Ewan ko sa inyo,” sabi ko na lang at tumayo na ako.
“Uyy si tita..”
“Siguro nga okay na sila, lalo na silang dalawa lang dito noong nakaraan.”
“Kaya nga, tama ka d’yan tito Finn,” sabi pa ni Viel.
“Bakit naman kami magiging okay?” nakakunot ang noo na tanong ko sa kanila. Ayaw kong malaman nila ang tungkol sa amin.
“Sabi ko nga, hindi pa kayo okay,” sabi ni Finn.
“Kung ganyan lang
