Isang kalabog ang nagpagising sa akin at agad kong nakita si Ramil na tumayo mula sa inuupuan at mabilis na lumabas ng silid. Napatingin ako sa orasan at alas kwartro pa lang ng madaling araw, mabuti na lang at hindi nagising ang dalawang batang natutulog sa kalabog na nilikha niya.
“What happened?” tanong ni Carter sa tabi ko.
“Hindi ko alam, susundan ko siya.” paalam ko sa kanya, hinalikan ang labi bago ako tumayo sa aming hinihigaan.
Agad kong tinungo ang silid kung nasaan si Lovie dahil doon lang din naman pumupunta si Ramil. Mahina lamang ang galaw ko dahil paminsan minsan ay naabutan ko si Ramil na kinausap si Lovie o ‘di kaya tinitignan ang mukha.
Ngunit ngayon, iba ang nasaksihan ko. Napasinghap ako nang napatingin sa loob ng silid. Binalot ng saya ang puso nang makitang gis
