Chapter 66
Marilyn’s Pov
DUMATING ANG araw na pupunta kami sa outing. Hindi tuloy ako nakatulog kanina dahil sa sobrang excited ko. Nakapag pa couple shirt din kaming dalawa ni Koa. Pati nga siya ay excited din na suotin yun. Natatawa tuloy ako na pareho kaming dalawa walang tulog.
Nakahanda na ang dadalhin namin. May usapan kasi na dadalhin. Sila ate Macy sa mga karne. Kami naman ni Koa ay mga drinks. Hindi ko lang alam kung anong dadalhin ng iba.
Nakahanda naman na ang dadalhin namin. Iba’t ibang drinks ang dinala namin para maraming pagpipilian. Kung tutuusin ay konti lang naman kami. Hindi ko sigurado kung pupunta si sir Kevin kaya baka nga konti lang talaga kami.
“Ako ng magbubuhat ng mga dadalhin natin, amore.” Saad ng asawa ko sabay kinuha ang travelling bag na nakahanda na.
