CALVIN
Yakap ko ngayon ang mga anak ko, pinapakain ko si Vivienne habang si Virgo naman ay kumakain mag-isa.
Nakatingin lang ako sa magkatabing sina Arkin at Serena na kanina pa nagbibigayan ng malalagkit na tingin. Pansin ko din ang paghahawakan nila ng kamay sa ilalim ng mesa.
Hindi natigil ang mga kaibigan namin sa pangangantiyaw sa dalawa na sinasagot lang nila ng tawa.
'God! Bakit kailangan kong makita 'to? Ito na ba yung parusa sa'kin? Yung ipakita sa'kin kung gaano na siya kasaya sa piling ng taong matagal nang nagmamahal sa kanya? Ito na ba yung karma ko sa ginawa kong pananakit sa kanya noon? Kung ito na yun, tatanggapin ko...
Ngayon ko lang siya nakitang ganito kasaya...
Masaya kami noon, pero iba ang kislap ng mga mata niya habang nakatingin siya kay Arkin.
Masakit man
