Hindi sa unit niya dumiretso si Cedric kung hindi sa unit ni Thea. Sinabayan niya ang pagbukas nito ng pinto at dire-diretso siyang pumasok at ibinagsak ang katawan sa sofa.
“Ano na naman ba ang ginagawa mo rito, ha?” angil ng dalaga. Pilit siya nitong hinihila patayo pero hinila niya rin ito papalapit sa kanya kaya napasubsob ito sa dibdib niya. Akmang tatayo ang dalaga pero agad niya itong niyakap.
“Last na ‘to. Aalis na ako bukas.” sabi niya.
Napatingin sa kanya si Thea at nagtama ang kanilang paningin. “Hindi na ako mangungulit sa’yo. Babalik na ako sa opisina.”
Hindi nakakibo ang dalaga. Bakit ganoon? Parang nalungkot siya. Hindi ba dapat masaya siya dahil wala nang mangungulit sa kanya? Pero bakit parang bumigat ang pakiramdam niya. Napansin ni Cedric ang paglungkot
