Hindi katulad nang una nilang biyahe. Maganda na ang mood ng lahat. May direksiyon na kasi ang paghahanap nila kay Thea. Hindi katulad nang mga nakaraang araw na para silang naghahanap ng karayom sa dayami.
Nang marating nila ang resort nila Cedric nagpatiunang bumaba ng van si Popoy pero agad naman itong hinila pabalik ni Ken.
“Aano ka?” tanong nito.
“Kay Thea.”
“Jowa ka?” ani Julie na nilakihan pa siya nang mga mata.
“Hindi. Hindi pa,” kunwa’y seryosong sagot ni Popoy. Sumilip ito sa side mirror atsaka hinawi sa gitna ang buhok niyang mala-Empoy rin.
“Sira ka talaga! Balak mo pang agawan ‘yang si Cedric,” natatawang sabi ni Dante.
“Hindi naman sa gano’n. Papasok lang naman ako sa eksena kapag ayaw na talaga sa kanya ni Thea,” ani Popoy.
Natawa sila.
“Asa ka pa! Pumasok ka na n
