Bumiyahe papuntang Coron Island sa Palawan si Cedric kasama ng mga bago nilang investors. Iyon kasi ang isa sa mga request ng mga ito. Gusto raw kasi ng mga ito na ma-experience ang wreck diving na ipinagmamalaki ng Coron. Hati ang loob ni Cedric ng bumiyahe paalis ng Manila. Maiiwan na naman kasing mag-isa si Thea sa condo. Kaya mabigat ang loob niyang sumama sa grupo.
“Pards, okay ka lang?” ani Zoren na tinapik pa siya sa balikat. Kasaluyan siya noong nagpapahangin sa balcony ng rest house na tinutuluyan nila.
Nilingon niya lang si Zoren atsaka siya tumango.
“Iniisip mo na naman si Thea mo?” anito habang inaabot sa kanya ang isang bote ng beer.
“Ang weird ng feeling ko, Pards. Parang ang bigat ng loob ko na bumiyahe papunta rito.” Tumangga siya ng beer habang nakatanaw sa dagat.
“Ba
