Habang nagpapatuloy ang pelikula ay nagbago ang tono nito. Pumasok sa silid ang ilang opisyal na hindi nakasuot ng medical uniform. Mula roon ay nagsimula ang pagbabago ng proyekto. Ang mga salitang 'therapy' at 'healing' ay napalitan ng 'compliance', 'behavioral control', at 'memory restructuring'. Tahimik na napayuko si Arturo. Nasaksihan niyang muli ang sandaling hindi niya napigilan.
Isang batang babae ang dinala sa gitna ng silid. Hindi malinaw ang mukha nito, ngunit agad na tumibok nang mabilis ang dibdib ni Mara. Ang stuffed rabbit. Ang kuwintas. Ang maliit na kamay. Siya iyon.
Huminto ang projector nang ilang segundo dahil sa lumang pelikula. Walang nangahas magsalita. Nang muling umandar ang reel ay lumitaw ang ina ni Mara na mariing tumututol sa pagpapatuloy ng eksperimento. Ma
