***Tala POV***
NAKATATLONG pihit na ako sa gas stove ay wala ng lumalabas na apoy. Bahagya ko namang inangat ang tangke. Magaan na yun at wala na ngang laman.
Napabuntong hininga ako at sinara na lang ang tangke. Lumapit ako sa bag at dinukot ang wallet. Sinilip ko kung kakasya pa ang pera ko. Meron pa akong 3500 sa wallet at mga barya. Ito na lang ang pera ko ngayon. Naibili ko na kasi ng gamot ni Lola Puring na pang isang linggo. Ang pension nya ay dalawang linggo pa darating. Pero nakalaan na yun para sa mga gamot nya at check up. Kulang pa nga dahil pricey ang mga gamot kahit generic.
Muli akong napabuntong hininga at dumukot na ng pambili ng gas. Alam kong hindi na aabot sa sahod ko ang pera ko. Siguro mangungutang na lang ako.
Lumabas ako ng bahay at nakita ko si Lola Puring n
