***Tala POV***
PAGBALIK sa bahay ay malinis na ang harapan ng bahay namin na pinagpwestuhan ng inuman nila Garett at papa. Nilinis na pala ni Lola Puring at Maki katulong ang isa naming kapitbahay na nagmagandang loob. At bilang pasasalamat ay binahagian ko ng conchinillo ang kapitbahay namin. Dalawa kasi ang binili ni Garett kanina. Isa sa pulutan at ang isa ay para ulam namin.
Hindi na namin pinauwi ni Lola Puring si Garett dahil bukod sa nakainom sya ay bumagsak na rin ang malakas na ulan. Delikado kung magmamaneho pa sya pauwi dahil baka makatulog sya sa byahe.
Tuwang tuwa naman si Maki na gising pa dahil makakatabi na naman nya sa pagtulog si Garett. Sya pa nga ang nagbaba ng kutson na nasa taas at nilatag sa sala. Akala mo sya ang jowa eh.
"Pasensya na ho, Lola Puring. Naabala
