"NGAYON sasagutin ko rin ang tanong mo sa akin, noon."
Pansin ko ang pagtatanong sa mga mata nito.
"Naalala mo ba no'ng tanungin mo ako kung kailan kita nagustuhan?" Habang hinahaplos ang makinis nitong pisngi.
Marahan naman itong napatango.
"Baby, pareho lang tayo ng nararamdaman. Noon pa man, gusto na kita. Pero 'di ko iyon nagawang ipakita sa iyo dahil naunahan ako ng selos sa t'wing nakikita ko kung gaano kayo kalapit ng kapatid ko sa isa't isa. Kaya imbis na pakisamahan kita ng maayos, 'di ko magawa dahil naiinis akong napakalambing mo sa kapatid ko. Lalo pa ako noong naiirita sa t'wing kumakalong ka sa kapatid ko."
Pansin ko ang bahagyang pagngiti nito.
"Kaya laging mainit ang ulo ko no'n at lagi rin kitang iniinis dahil iyon lang ang paraan upang mapansin mo rin ako. Pero i
