KAAGAD akong napabangon ng makita sila mommy't daddy. Uminit ang gilid ng mga mata ko ng mayakap ko ang mga ito.
"Anak, ayos ka na ba? Anong nararamdaman mo?" Pag-aalala ni mommy.
Umupo ito sa gilid ng kama. Umupo rin si daddy sa may harapan namin.
"Wala ka na bang nararamdamang sakit, anak?" Si daddy.
Doon tumulo ang luha sa mga mata ko. Tinitigan ko ang mga ito. Kahit ang mga ito man, halatang kagagaling sa pag-iyak at namamaga pa rin ang mga mata ng mga ito.
"Masakit, dad," garalgal na wika ko.
Bigla silang nabahala ngunit 'agad akong umiling. Pinalis ko rin ang luha sa mga mata ko.
"Masakit na itinaboy niyo ang kakambal ko. Dad, may kasalanan din po ako. Kasalanan ko kung bakit naging ganoon ang kapatid ko. Sa umpisa pa lang, nagawa kong maglihim sa kaniya. Hindi ako naging tot
